Pas takimit me ekipin negociator, në një konferencë për medie ka dalë edhe presidenti i vendit, Hashim Thaçi, raporton Gazeta Blic.
Thaçi tha se do të ndihmojë ekipin negociator të Kosovës në përmbushjen e obligimeve të tyre.
Tha se atyre u ka ofruar një dokument informues se ku deri më tani kanë arritur bisedimet Kosovë- Serbi.
“Ky dokument informues përfshinë sfondin e dialogut Kosovë Serbi. Pastaj pozicionet e përgjithshme të palës kosovare në takimet e zhvilluara me përfaqësuesit e BE-së. Gjithashtu në këtë dokument të zyrës së presidentit, përfshihen edhe vërejtjet sugjerimet dhe rekomandimet tona që do të jenë të rëndësishme për shfrytëzim për ekipin negociator të Kosovës. Ne si bartës të institucioneve të Kosovës do të punojmë bashkërisht që të punojmë në realizimin e objektivave tona” tha Thaçi.
Ai tha se ky dokument përmbamë çështje specifike në dialogun me Serbinë.
“Ky dokument informues përfshinë çështje specifike në dialogun me Serbinë si çështja e të pagjeturve, çështja e personave të zhvendosur për të vazhduar me trashëgiminë kulturore, çështjen e pronave, të drejtat e komuniteteve jo shumicë, kthimi i artefakteve etnologjike të Kosovës”.
“Bashkëpunimi ekonomik si dhe zbatimi e respektimi i kësaj marrëveshje në tërësi. Synimi i palës kosovare mbetet që në javët dhe muajt e ardhshëm të arrihet një marrëveshje gjithëpërfshirëse ligjërisht obliguese në rrafshin ndërkombëtar që garantohet pranimi i Kosovës në OKB pra pranimi nga Serbia. Që nënkupton që nuk do të ketë më kurrë luftë mes Kosovës dhe Serbisë. Do të ketë kufijtë sipas standardeve evropiane. ?nuk do të ketë kufij në baza etnike. Unë besoj se diçka e tillë me vështirësi shumë të mëdha mund të arrihet” tha ai.