Myftiu i Kosovës, Naim Tërnava ka marrë me pikëllim lajmin për vdekjen tragjike të zëvendësministrit të Diasporës, Arian Daci.Tërnava përmes një postimi në Facebook ka ngushëlluar familjen, farefisin, shokët, miqtë e kolegët e të ndjerit.“Humbja e jetës së një të riu përveç që është humbje për familjen, në të njëjtë kohë është humbje edhe për shoqërinë dhe institucionin ku punoj e veproj i ndjeri”, ka shkruar ai.
Postimi i plotë i tij:
E nderuar familje Daci I nderuar akademik DaciMe pikëllim mora lajmin për humbjen e jetës së birit tuaj në fatkeqësinë e sotme, andaj ju lutem që të pranoni ngushëllimet më të sinqerta për ju dhe familjen tuaj të gjerë, në të njëjtën kohë ngushëlloj edhe farefisin, shokët, miqtë e kolegët e të ndjerit.
Humbja e jetës së një të riu përveç që është humbje për familjen, në të njëjtë kohë është humbje edhe për shoqërinë dhe institucionin ku punoj e veproj i ndjeri.I nderuar akademik Daci, bashkëndiej dhembjen e pikëllimin me ju, duke e lutur Zotin që rahmetliun ta marrë në mëshirën e tij, ndërsa juve t’ua bëj dhimbjen më të lehtë duke u dhënë durim e qetësi.
Me respekt e dhembshuriMyftiu i KosovësNaim ef. Tërnava