Deputetja nga radhët e LDK-së, Vjosa Osmani, ka folur për ftesën e kryeparlamentarit Veseli për takim në lidhje me dialogun. Ajo e ka quajtur ftesën e kryeparlamentarit Veseli si farsë.
Në një përgjigje për Telegrafin, ajo ka thënë se nuk sheh ndonjë arsye pse LDK duhet të marr pjesë në takimin e thirrur nga Veseli. Osmani e ka quajtur farsë ftesën e kryeparlamentarit Veseli, duket shtuar se ai përfaqëson partinë e dytë në Kuvend për nga numri i deputetëve.
“Nuk shoh asnjë arsye për të marrë pjesë në një takim të tillë që është veç farsë e asgjë tjetër. z.Veseli përfaqëson partinë e dytë në Kuvend për nga numri i deputetëve, dhe nuk mund të pretendojë të marrë as rol unifikues e as udhëheqës”, ka deklaruar Osmani.
Ndryshe, ftesën e Kadri Veselit e ka refuzuar edhe Vetëvendosje. Këtë e ka konfirmuar zëdhënsja e kësaj partie, Tinka Kurti.