Vjehrra kritikon nusen se nuk po e mbante shtëpinë e pastër, historia interesante e kësaj familje Blogeri Clint në bllogun e tij “No Idea What I’m Doing: A Daddy Blog” tregoi një histori që i kishte ndodhur me nënën e tij e cila e kritikoi atë për shtëpinë e papastër.
Nëna kishte kritikuar gruan e tij për atë se nuk po e mbante shtëpinë e pastër sa duhej, andaj kjo e bëri të birin që të reflektojë mbi këtë ide duke thënë se nuk ishte martuar me gruan e tij për pastërtinë e shtëpisë, por për dashurinë që ndjente për të.
Rrëfimi i bllogerit:
Para disa javësh gjatë një bisede me nënën time në telefon ajo më tha, “A nuk të shqetëson që Mel nuk po e mbanë shtëpinë e pastër?” Ishte e shtune.
Unë isha duke pastruar enët. Sinqerisht nuk e dija çfarë të thoja. Nëna ime nuk e tha këtë në një mënyrë negative e apo ndonjë gjë të keqe. Ishte më tepër për kuriozitet.
Ajo padyshim e vërente se shtëpia jonë nuk ishte aq e pastër.Nuk ishte vetëm puna e Mel për ta pastruar atë. Unë e shoh martesën tonë si një partneritet, kështu që pastrimi është përgjegjësi sa e imja aq edhe e asaj .Unë e pranoj shpesh, fëmijët e kishin bërë rrëmujë, po ashtu edhe enët ishin të pa lara në lavaman.
Gjithashtu e pranoj nuk ishte aq e pastër sa shtëpia e nënës sime, por kjo nuk më shqetëson. Në të vërtetë, nuk mendoj fare për këtë. Nuk e dija si t’i përgjigjesha nënës sime, kështu që unë nuk fola . Kurrë nuk e di se çfarë të them në momente të tilla.
Por, pastaj duke menduar , besoj se perceptimi i nënës sonë për shtëpinë tonë vërtet reflekton epokën në të cilën ajo u rrit. Unë nuk e njihja babain tim aq mirë, por e kujtova atë duke më dhënë këtë këshillë se si ta zgjedh gruan me të cilën duhet të martohem
“Shko në shtëpinë e saj papritur. Shih se si duket atje. Ti mund të kuptosh shumë për një grua se si ajo e mban shtëpinë e saj. ” Unë mendoj se shqetësimi i nënës sime për pastrimin e shtëpisë sime ka të bëjë shumë me pritjet që ekzistonin kur ishte e re. Por për mua gjërat janë ndryshe nga babai im, nuk mendova për një shtëpi të pastër kur u martova me gruan time. Mendova se a i pëlqente ajo që kisha për të thënë. Mendova se si më bëri të ndihesha. Mendova buzëqeshjen e saj. Më pëlqeu kjo. Mendova se si ajo ishte e ëmbël dhe e zhytur në mendime, dhe se si ajo dukej si lloji i nënës që do të dëshiroja për fëmijët e mi. Pas disa momenteve të vështira për të gjetur fjalët e duhura, më në fund thash: “Unë nuk u martova për një shtëpi të pastër. E kam marrë atë, sepse ajo dukej si dikush me të cilën mundem të kaloj jetën .” Qetësi Pastaj përfundimisht nëna tha: “Epo … ndoshta kjo ka më shumë rëndësi se një shtëpi e pastër.” “Po,” i thashë dhe mendoj kështu./21Media