Deputeti i Lëvizjes Vetëvendosje, Sami Kurteshi ka thënë se Gjykata Speciale në Hagë nuk do t’i pastrojë ata që e ndotën Ushtrinë Çlirimtare të Kosovës.
Kurteshi, përmes një shkrimi në Facebook, ka thënë se lufta e UÇK-së ka qenë e pastër dhe se ndotësit e kësaj lufte “do të mbeten të tillë” përgjithmonë.
“Ata që kanë ndotur Drinin nuk i pastron Danubi e Rajna! Haga nuk i pastron as ata që e ndotën Luftën Çlirimtare, e as ndërgjegjen e tradhëtinë e atyre që sollën dhe votuan „Gjykatën Speciale“ për të pastruar këtë luftë”, ka thënë ai.
“Lufta dhe Ushtria Çlirimtare e Kosovës ishin dhe janë të pastërta. Ndotësit ishin dhe mbeten të tillë. Ata nuk i pastron asgjë në këtë botë.” /Insajderi.com