Tre persona nga pesë të dyshuarit për grabitje të armatosur në Deçan, janë arresuar sot ka bërë të ditur Policia e Kosovës.
Sipas raportit rasti ka ndodhur të martën e 22 janarit, në një qendër tregtare kur viktimat e rastit duke dërguar pazarin ditor në bankë, nga një veturë e tipit Pasat me targa vendore ka dalë i dyshuari me armë në dorë dhe nën kanosje ka grabitur çantën në të cilën gjendeshin të holla rreth 8000 euro (tetë mijë euro), duke u larguar në drejtim të panjohur, njofton Klan Kosova.
Policia e Kosovës ka bërë të ditur edhe inicialet e personave të arrestuar, ndërsa gjatë bastisjes tek i dyshuari i parë janë sekuestruar si prova materiale një armë e tipit ‘Zoraki M 906-B’ dhe vetura e tipit Pasat me targa vendore e cila dyshohet se ka qenë e involvuar në rast.
Personat e dyshuar të arrestuar në këtë rast janë:
B. K. i lindur 1992 m/k/sh
F. B. i lindur 1992 m/k/sh
G. S. i lindur 1995 m/k/sh
Me vendim të prokurorit të shtetit ndaj tre të dyshuarve është caktuar masa e ndalimit policor prej 48 orëve për të vazhduar me procedura të mëtutjeshme, njofton Klan Kosova.