Kryetari i Partisë Demokratike të Kosovës, Kadri Veseli ka thënë se ai është autor i taksës 100% ndaj mallrave Serbisë.
“Nuk kam dashur që të marrë meritat, mirëpo unë jam ai që kam propozuar taksën 100% dhe qëndroj fuqishëm pas saj”, tha ai, raporton Gazeta Blic, duke shtuar se ai nuk është pishman.
Ai ripërsëriti se pas kërkesës së SHBA-ve për suspendim, ai ka kërkuar që kjo të ndodhë për 120 ditë.
“Ne nuk e kemi vënë taksën as ndaj bizneseve amerikane e as evropiane”, tha ai në Debat Plus në RTV Dukagjini.
Veseli tha se taksa 100% nuk e ka rrezikuar partneritetin me SHBA-në.
I pari i PDK-së tha se Shtetet e Bashkuara të Amerikës nuk kanë kërkuar heqje të taksës, por vetëm suspendim të saj.
E, kjo sipas tij po ndodhë për shkak të dialogut.
Sipas tij, taksa ishte si përgjigje ndaj agresivitetit që Serbia dhe Bosnja ndërmerrnin ndaj shtetit të Kosovës./GazetaBlic/