I është dhënë lamtumira e fundit, zëvendësministrit të Diasporës, Arian Daci, i cili vdiqë dje tragjikisht në Brezovicë, transmeton Gazeta Metro.
Familjarë, miq e liderë të shumtë janë mbledhur te varrezat e qytetit, për ta përcjellur për në banesën e fundit të birin e akademikut, Nexhat Daci.
Të pikëlluar janë parë familjarët e të ndjerë, babai, gruaja e motra. Kjo e fundit ka falenderuar të gjithë që po u gjendën afër në këto kohë të vështira.
Arian Daci humbi jetën dje duke skijuar në Brezovicë. Është bërë e ditur se Daci po skijonte jashtë pistës së lejuar, kur më pas u lëshua një ortek dhe i mori jetën.
Bashkë me të ka qenë edhe shoku i tij, Ardian Bakalli, i cili është nxjerrë nga bora në momentet e fundit të jetës.
Ndryshe, Daci 40 vjeçar me profesion ka qenë farmacist, ndërsa njihej si adhurues i skijimit./gazetametro.net