Ministria e Infrastrukturës dhe Transportit thotë se rruga për në Brezovicë deri tek qendra e skijimit, është pastruar vazhdimisht nga bora, dhe s’është bllokuar asnjëherë për qarkullim të automjeteve si pasojë e reshjeve, trasnmeton Gazeta Metro
Sipas kësaj ministrie kompania përgjegjëse dhe zyrtarët e kësaj ministrie, janë në monitorim të kësaj zone, njëjtë sikur edhe të të gjitha rrugëve regjionale, nacionale dhe autostradave.
“Arsyeja e kolonës së automjeteve në këtë rrugë është mungesa e parkingjeve pas fluksit të madh të qytetarëve, që të shtunën ia kanë mësyrë këtij vendi turistik. Prandaj edhe Policia e Kosovës gjendet aty për të drejtuar komunikacionin e dendur. Ministri i Infrastrukturës dhe Transportit Pal Lekaj, kërkon nga qytetarët që përkundër rrugëve të pastruara të kenë kujdes në vozitje, veçanërisht në zonat malore, dhe të mos lëvizin pa pajisje dimërore me qëllim të evitimit të aksidenteve”, thuhet në komunikatën e MIT./gazetametro.net