Këngëtari Ibrahim Tatlises ka njoftuar fansat e tij që nëna e tij ka ndërruar jetë.
Këtë lajmërim këngëtari e ka bërë përmes një imazhi të publikuar në rrjetin social, Instagram.
Leyla Tatli ka vdekur në moshën 86 vjeçare, pas një kohe të gjatë që kishte qëndruar në spital si pasojë e problemeve me zemrën dhe shtypjen e lartë të gjakut.
Varrimi i nënës së këngëtarit do të mbahet më 16 janar, të mërkurën në varrezat e Zincirlikuyut.
Ibrahim Tatlises pati një pauzë shtatë vjeçare në karrierën e tij muzikore. Këtë largim nga muzika e bëri për shkak se ishte plagosur për arsye biznesore.
Tatlises për disa vite qëndroi në komë dhe ishte viti 2015 kur artisti filloi të fliste përsëri dhe të bënte disa lëvizje të vogla.
“Kurora e familjes, nëna ime e dashur, sulltanesha Leyla i është bashkuar mëshirës së Perëndisë”, ka shkruar Tatlises.
