Kryeministri i Kosovës, Ramush Haradinaj është deklaruar sërish rreth liberalizmit të vizave për kosovarët. Ai nuk ka preferuar të jap ndonjë datë se kur do të ndodhë kjo, por ka sqaruar se nuk do të zgjasë shumë, raporton Gazeta Blic.
Kryeministri, para mediave tha që edhe deklaratat e ministrit të jashtëm gjerman dëshmojnë se ka ndryshime përmbajtjesore sa i i përket vizave.
“E keni dëgjuar edhe ju deklaratat e ministrit gjerman, se kosovarët e meritojnë liberalizimin e vizave pra është një ndryshim përmbajtjesor. Deklaratat e ministrit për viza do të thotë se ka ndryshime. Pra tash duhet të veprojë Këshilli i BE-së dhe Këshilli i Ministrave, pra nuk po jap më shumë detaje”, tha ai raporton Gazeta Blic.
Haradinaj gjatë kësaj konference ka folur edhe për grevën në arsim, ai ka kërkuar që greva të ndërpritet. Dhe që nuk ka mundësi të ndodhin ngritje tjera. /Gazeta Blic./