Moti i ftohtë e me borë që po mbretëron ditëve të fundit në Kosovë ka shkaktuar telashe të ndryshme.
Me një problem të madh janë përballur sot edhe punonjësit e Qendrës Kryesore të Mjekësisë Familjare në Obiliq.
Një qytetar ka dërguar një video, në të cilën shihen punonjës të QKMF-së duke e shtyrë autoambulancën e kësaj Qendre.
Ata po e shtyjnë në përpjekje që autoambulanca të ndizej në mënyrë që të kryenin detyrat e tyre të përditshme.
Nuk dihet nëse automjeti kishte ndonjë prishje apo moti i ftohtë ia ka dëmtuar baterinë.
Kjo është video e dërguar nga qytetari. /Kallxo