Deputetja e Lëvizjes Vetëvendosje, Drita Millaku, ka shprehur skepticizmin e saj lidhur me taksën e vendosur nga Qeveria e Kosovës ndaj produkteve të Serbisë.
Ajo ka thënë se duket se taksa e vendosur nga Haradinaj do të përfundojë sikur demarkacioni me Malin e Zi.
“Si po duket taksa 100% e Ramushit do të përfundon sikur Demarkacioni me Malin e Zi. ‘Fjalët si Demushi punët si kërkushi’”, ka shkruar ajo në Facebook.
Kujtojmë se gjatë ditës së sotme, Ramush Haradinaj ka deklaruar përsëri se taksa ndaj Serbisë nuk do të hiqet.