Deputetja nga radhët e Lidhjes Demokratike të Kosovës (LDK), Hymete Bajrami ka thënë se deri ditën e martë, ose duhet të fillojë mësimi, ose Qeveria e Ramush Haradinajt duhet të japë dorëheqje, transmeton Gazeta Metro.
Pas njoftimit nga SBASHK’u se mësimi nuk do të fillojë as nesër dhe greva do të vazhdojë, ka reaguar edhe deputetja e LDK’së. Bajrami ka thënë se kryeministri Haradinaj duhe të takohet me SBASHK’un për arritjen e një zgjidhje.
Po që se zgjidhje nuk arrihet as të martën, Bajrami thotë se Qeveria Haradinaj duhet të jap dorëheqje pasi as detyrat e shtëpisë nuk po mund t’i kryej.
“Nëse arsimi po hyn në javën e tretë të grevës, ju së bashku me zëvendësit, 22 ministrat dhe 80 zëvendësministrat duheni urgjent të takoheni me SBASHK-un. Ky takim duhet me zgjatë deri të arrini marrëveshjen për fillim të mësimit. Të martën duhet të fillojë mësimi ose Qeveria të japë dorëheqje, pasi që as detyrat e shtëpisë s’po arrini t’i kryeni”, ka shkruar ajo në Facebook./gazetametro.net