Opinionisti Dardan Islami ka folur sot për konfliktin mes kryeministrit Ramush Haradinaj dhe Kryetarit të Kuvendit Kadri Veselit për çështjen e taksës 100%.
Islami në Info Magazine ka thënë se mostërheqja e taksës nuk do të thotë se je kundër Shteteve të Bashkuara të Amerikës, por Haradinaj dëshiron garanci nga ndërkombëtarët, njofton Klan Kosova.
”Jemi para një situate ku duhet të reflektojmë”.
”Jam i bindur, në një mënyrë, se Ramush Haradinaj e ka pranuar kërkesën e SHBA-ve, është tërhequr për taksën”.
”Por, ai të paktën do një dëgjim dhe garancë nga pala ndërkombëtare, sepse është mashtruar disa herë”.
”Kosova tash për tash ende ka komfor, ndërsa Ramush Haradinaj do ta ndërrojë mendjen sepse dëshiron që Kosova do të fitojë të paktën diçka”.
”Taksa është një problem i vogël, por problemi është tek statusi final. Ramush Haradinaj tregoi se është bërë gati për të hyrë në dialog”.
”Nuk ka të bëjë me antiamerikanizëm, askush s’del të jetë kundër Amerikës në këtë aspekt nëse nuk pranon tërheqjen e taksës”.
”Heqja e taksës është një element i një problemi më të madh”.