Kryetari i Lëvizjes Vetëvendosje Albin Kurti, ka vizituar Sylejman Selimin në vendlindjen e këtij të fundit, Aqarevë.
Ai, ka thënë që Selimi u lirua me kusht dhe sipas tij, kjo i ngjan shumë gjendjes së vet shtetit të Kosovës, përcjellë Gazeta Blic.Kurti ka theksuar se me Sylejman Selimin njihen më shumë se 20 vjet.
Postim i Kurtit në Facebook
Në vendlindjen e tij në Açarevë, sot vizitova Gjeneral lejtnant Sylejman Selimin. Ai është liruar me kusht nga burgu. Kjo disi i ngjan aq shumë gjendjes së vetë shtetit të Kosovës. Por, Syla është mirë me shëndet dhe fytyra i shkëlqente. Nga Komandant i Zonës Operative të Drenicës te Komandant i Përgjithshëm i UÇK-së te Komandant i TMK-së e i FSK-së e deri te ambasador i Republikës së Kosovës në Tiranë, kanë kaluar 20 vjet prej se e njoh dhe jemi shokë. Por, veprimtaria e tij është edhe më e hershme: ajo nis me Sylën si bashkëluftëtar i Komandantit legjendar Adem Jashari.