Që nga paslufta janë 20 policë që kanë humbur jetën gjerësa ishin në krye të detyrës, për të mbrojtur dhe shërbyer sigurisë së qytetarëve.
Në listën e publikuar në faqen zyrtare të Policisë figurojnë të dhënat 19 Policëve që kanë rënë në krye të detyrës, pa përfshirë edhe Policin që dje humbi jetën , zyrtarin Policor Izet Demaj.
Sipas këtyre të dhënave 4 prej 20 policëve të rënë në detyrë janë nga Komuna e Vushtrrisë.
Këta Policë sipas datave që ranë në krye të detyrës janë : Arsim Rrustolli i rënë më 23.03.2004, Dritan Mehana i rënë më 25.12.2004, Avni Kasumi i rënë 03.01.2007, dhe Enver Zymberi i rënë më 26.07.2011.
Të katër këta Policë janë nga regjioni i Vushtrrisë, që e bëjnë Vushtrrinë të prijë me numrin e policëve të rënë në detyrë që vijnë nga kjo komunë./VushtrriaOnline