22 vjeçarja nga Skënderaji, Arbnora Dobraj e cila ishte lajmëruar si e zhdukur tash e 8 ditë, sot i është kthyer familjes.
Lajmin e konfirmoi për Gazetën Metro, zëdhënësja e Policisë së Kosovës, Flora Ahmeti.
‘Arbnora është gjetë, është mirë dhe i është kthyer familjes’, tha Ahmeti, duke mos dhënë detaje të tjera për rastin.
Ndërkohë, rasti i zhdukjes së Arbnorës ishte paraqitur nga vëllau i saj, në njërin prej stacioneve të Policisë në Prishtinë.
Ndonëse, nuk u zbuluan arsyet e largimit të saj nga shtëpia, familjarët e dinin se ditën që ajo kishte dal nga shtëpia kishte pasur një takim pune e më pas nuk ishte kthyer në shtëpi.
Pas disa ditëve, ajo kishte nisur një porosi tek familjarët e saj se ishte shëndosh e mirë mirëpo nuk kishte zbuluar vendndodhjen, vetëm se u kuptua se ishte në shtetin fqinj.