Si duket një prej problemeve më të theksuara të të gjitha komunave të Kosovës, e që del të jetë menaxhimi i mbeturinave, së paku në Vushtrri po shënon përpjekje të vazhdueshme që këto të fundit të mënjanohen nga ekspozimi apo prania e tyre nëpër ambiente publike apo natyrore.
Aksione të njëpasnjëshme janë zhvilluar ditëve të fundit nga kompania “Uniteti”, e cila ka filluar punën për largimin e disa deponive në qytetin e Vushtrrisë.
Për dallim prej dje ku u larguan mbeturina nga depoja te varrezat e qytetit, sot është vazhduar me largimin e mbeturinave nga fshati Pestovë.
Pamje nga puna që është bërë atje ka postuar në llogarinë e tij në facebook edhe Shefi i Njësisë së “Unitetit” në Vushtrri, Fadil Bahtiri.
