Këshilli Komunal për siguri në bashkësi ka mbajtur mbledhje sot në Komunën e Vushtrrisë,ku u diskutua siguria e përgjithshme në Vushtrri, e cila u vlerësua të jetë e lartë si në komunikacion ashtu edhe brenda institucioneve në Vushtrri e posaqërisht gjatë periudhës së verës ku fluksi i qarkullimit të veturave nga bashkëatdhetarët tanë jashtë vnedit ishte mjaft i madh dhe nuk kishte as probleme ndernacionale dhe kjo ka bërë që situata e sigurisë në Vushtrri të jetë në nivel të lartë.
Në nivelin e rritjes së sigurisë në Vushtrri hyn edhe ulja e dukshme e veprave penale, duke i kushtuar rëndësi situatës në shkolla, ku policia ndihmon qytetarët e sidomos nxënësit ta kalojnë rrugën pranë shkollave kjo në veçanti në rrugën 2 maji dhe te shkolla fillore Mustafë Venhari.
Një vlerësim të situatës së përgjithshme për siguri në Vushtrri e bëri edhe eprori i KFOR-it Kavnik në mbledhjen e mbajtur sot, i cili vlerësoi se përveq një problemi të vogël në fshatin Gojbule situata ishte e mirë dhe pa probleme duke thkesuar se së shpejti së bashku me FSK do të fillojnë të punojnë në rregullimin e terenit në fshatin Maxhunaj ku gjatë kësaj vere kishte vërshime të mëdha. Për bashkëpunimin e mirë që ka pasur Komuna e Vushtrrisë foli edhe kryetari i kësaj të fundit Xhafer Tahiri, i cili e falenderoi eprorin Kavnik dhe KFOR-in për punën që kanë bërë në të mirë të qytetarëve./VushtrriOnline.