Mediat në Serbia po vazhdojnë t’i marrin me shqetësim deklaratë e presidentit të Kosovës, Hashim Thaçi, se Lugina e Preshevës dhe Medvegja duhet bashkangjitur Kosovës.
Sipas gazetës serbe “Telegrafi.rs”, Thaçi nga Gjeneva ka kërcënuar përsëri me këto deklarata.
“Ai në Gjenevë ka takuar përfaqësuesit e shoqatës “Medvegja” dhe shoqata të tjera nga “Lugina e Preshevës”, shkruan tutje Telegrafi.rs, transmeton Arbesh.info.
Presidenti Thaçi në Gjenevë me përfaqësues të shoqatës Medvegja dhe shoqata të tjera nga Lugina e Preshevës konfirmoi mbështetjen për kërkesën e tyre që “Presheva, Bujanoci dhe Medvegja të bashkohen me Kosovën”
Thaçi shkroi në Facebook se përfaqësuesit e këtyre shoqatave “përshëndetën gatishmërinë e Kosovës për të respektuar vullnetin e shqiptarëve të Luginës së Preshevës, të shprehur në një referendum në vitin 1992”.
“Unë ua konfirmova atyre se unë e mbështes kërkesën e tyre për bashkimin e Preshevës, Bujanocit dhe Medvegjës me Kosovën”, – shkruan Thaçi.
Këto takime e deklarata kanë bërë që serbët të shpërthejnë në komente ku kërcënojnë me vrasje presidentin Thaçi./Arbesh.info