Kombëtarja e Kosovës ka barazuar ndaj Ishujve Faroe në udhëtim.Kosova ka barazuar në ndeshjen e katërt në Ligën e Kombeve ndaj Ishujve Faroe me rezultatin 1-1, shkruan GazetaBlic.Rashica shënoi golin e vetëm për kombëtaren tonë në këtë duel.
Sulmuesi i kombëtares, Milot Rashica ka folur pas ndeshjes, ku tha se fusha ka qenë shumë e vështirë dhe problemi kryesor pse nuk kemi fituar tre pikët.“Po besoj që ka qenë një gol i mirë, goli im i parë me kombetarën, më në fund shënova, por do të isha më i lumtur nëse do fitonim 3 pikë. Në pjesën e parë kemi luajtur më mirë. Fusha e ka bërë të vetën dhe shumica e lojtarëve nuk kanë luajtur në kësi llojë fusha, andaj ky ka qenë problemi kryesor”, tha fillimisht Rashica.
“Ishujt kanë bërë një paraqitje të mirë dhe kanë luftuar shumë, por tre pikët do të na kishin konvenuar shumë, por shpresojë që të mësojmë nga kjo dhe të paraqitemi sa më mirë në duelet e ardhshme”, përfundoi Rashica për SS./GazetaBlic/