Ka dështuar pa nisur seanca gjyqësore kundër deputetit të Nismës Socialdemokrate, Milaim Zeka dhe biznesmenëve Edmond Kërliu e Ilir Krasniqi në lidhje me akuzat për mashtrim e shmangie tatimi.
I akuzuari Milaim Zeka ani pse gjendet në paraburgim nuk është sjellë në gjykatë.
Gjykata nuk ka arritur që të dërgojë me kohë urdhëresën për sjellje nga paraburgimi për Zekën.
Seanca e sotme ka dështuar dhe është caktuar me datën 29 tetor.
Milaim Zeka akuzohet për mashtrim e pastrim të parave.
Milaim Zeka momentalisht ndodhet në paraburgim nën dyshimin për kanosje të prokurorit Afrim Shefkiu./Arbesh.info