Ish-ministrja e Mjedisit dhe Planifikimit Hapësinorë, Albena Reshitaj ka dhënë dorëheqje nga AKR-ja.
Ish-ministrja ministrja e Mjedisit dhe Planifikimit Hapësinorë, Albena Reshitaj, mbrëmë ka dhënë dorëheqje nga Aleanca Kosova e Re.
Arsyeja e largimit të saj nga kjo parti lidhet me dorëheqjen e saj nga posti i ministres.
Kështu të paktën e ka konfirmuar për lajmi.net sekretari i përgjithshëm i AKR-së, Vesel Makolli.
“Dorëheqjen e ka dhënë mbrëmë edhe përmes telefonit edhe për e-mailit na ka njoftu për dorëheqjen e saj dhe e ka njoftuar edhe presidentin. Arsyeja e dorëheqjes së saj nga AKR-ja ka qenë pas asaj që ndodhi që ajo dha dorëheqje prej postit të ministres. Pas kësaj që ka ndodhur, ajo në letrën e saj ka shkruar se, është krijuar një situatë jo e mirë për mua dhe në letrën e saj Albena po ashtu ka shkruar se nuk po e shoh më veten mirë në AKR”, ka deklaruar Makolli për lajmi.net.
Kujtojmë se nga pozita e ministres Reshitaj ishte dorëhequr rreth dy muaj më parë dhe tash është këshilltare politike në kabinetin e kryeministrit Ramush Haradinaj. /Lajmi.net/