Ministri i Jashtëm i Turqisë Mevlut Cavosuglou këto ditë e vizitoi Kosovën, me ç’rast kërkoi nga Qeveria që t’i dorëzoj tek Turqia të gjithë ‘gylenistët’ që jetojnë në Kosovë.
Nga Qeveria e Kosovë më në fund ka ardh një reagim. Zëvendëskryeministri i Republikës së Kosovës, Dardan Gashi, i ftuar në FRONTAL të T7, ka folur rreth kërkesës së ministrit të Jashtëm të Turqisë, Mevlut Cavosuglou, për mbylljen e shkollave të Fetullah Gulenit dhe kapjes së ‘gylenistëve’ të tjerë të cilët ushtrojnë aktivitetin e tyre në Kosovë.
Gashi ka thënë se institucionet e Republikës së Kosovës nuk mund të veprojnë sipas qejfit të Erdoganit.
“Nuk mund të luajm këtu si t’i teket dikujt në Ankara apo në Stamboll. Ai kur ka qenë mirë me Gulenin i ka hapur shkollat. Dhe tash për shkak se i ka prishur raportet, po kërkon që t’i mbyll shkollat”, ka thënë Gashi, shkruan Express.
Gashi ka thënë se me deportimin e 6 shtetasve turq ishte bërë një gabim, dhe thotë se nuk duhet gabuar pësëri me gjëra të tilla.
“ Është bërë një gabim me depërtimin e atyre gjashtëve. Shpresojmë të mos gabojmë me gjërat të tillaPa vendos dikush nga drejtësia jonë se është përfshirë në aktivitete të dyshuara terroriste, askush nuk guxon të preket”, është shprehur zëvëndëskryeministri Gashi.