Ish-kryetari i Skenderajt dhe kryetari i degës së PDK-së, Sami Lushtaku ka deklaruar se PDK ka qenë gjithmonë fituese në zgjedhje, mirëpo koalicioni PAN e ka dëmtuar atë, shkruan Gazeta Blic.
I ftuar në T7, Lushtaku tha se nëse PDK është aktive do të jetë partia e parë në Kosovë.
“Nëse jemi aktiv, dhe punojmë shumë atëherë jemi partia e parë në Kosovë. PDK ka fituar komunat më të mëdha në Kosovë, por koalicioni PAN e ka dëmtuar partinë”, tha ai.
Lushtaku tregoi se si janë raportet në mes kryetarit të dikurshëm të PDK-së, Hashim Thacit, dhe kryetarit të tanishëm të kësaj partie, Kadri Veseli.
“Raportet mes Hashim Thaçit dhe Kadri Veselit janë shumë të mira. Unë takohem pothuajse çdo ditë me ta. Kam pasur rastin që të jemi në dreka e darka bashkë dhe raportet e tyre janë të mira”, tha ai, raporton Gazeta Blic.
Ndërsa sa i përket asaj se a ka ende ‘gisht’ Thaçi në PDK, Lushtaku tha që Kadri Veseli është kryetari i vetëm, dhe që ai është një lider shumë i mirë./Gazeta Blic./