Në dy ditët e fundit, në zonën e përgjegjësisë të Drejtorisë Rajonale të Policisë në Mitrovicë, në dy lokacione të ndryshme janë konfiskuar dy armë.
Rasti i parë i konfiskimit të një pushke automatike ndërlidhet me informacionin e pranuar ditë më parë se i dyshuari F. B. 28 vjeçar posedonte armë pa leje, ku pas një hetimi të mirëfilltë me datën 29 shtator 2018, i dyshuari ka vet-dorëzuar armën, njofton Klan Kosova.
Ndërsa rasti i dytë i konfiskimit të një pistolete sipas policisë është raportuar në orët e pasdites së datës 30 shtator 2018, në zonën e Vushtrrisë.
Pas informacionit të pranuar për të shtëna me armë zjarri, njësitet policore kanë identifikuar lokacionin dhe kanë arrestuar të dyshuarin G. K., 43 vjeçar, i cili dyshohet se ka shtënë me armë në një aheng familjar, nga i njëjti është konfiskuar një armë të llojit pistoletë.
Dy personat e dyshuar pas procedurave intervistuese janë liruar për procedurë të rregullt, njofton Klan Kosova.
Sipas zyrës rajonale të Policisë në Mitrovicë, ndaj të dyshuarve janë iniciuar raste për veprat penale ‘armëmbajtje pa leje’ dhe ‘përdorim i armës”.