Facebook Twitter Instagram
    Facebook Instagram YouTube TikTok
    VushtrriaOnline – Lajmet e fundit nga Vushtrria, dhe per VushtrrineVushtrriaOnline – Lajmet e fundit nga Vushtrria, dhe per Vushtrrine
    • Ballina
    • Lokale
    • Lajme 02
    • Ekonomi
    • Kulturë
    • Sport
    • Patundshmëri
    VushtrriaOnline – Lajmet e fundit nga Vushtrria, dhe per VushtrrineVushtrriaOnline – Lajmet e fundit nga Vushtrria, dhe per Vushtrrine

    Kjo është këngëtarja me famë botërore që do të këndoj te Ura e Ibrit

    14/10/2018 | 22:54
    Share
    Facebook Twitter LinkedIn Pinterest Email

    Është zbuluar emri i këngëtares me famë botërore që mund të performojë në hapjen e Urës së Ibrit në Mitrovicë. Por ajo nuk është amerikane e as angleze siç kishte njoftuar ditë më parë kryetari i Mitrovicës Agim Bahtiri.

    Një koncert i madh pritet të organizohet për hapjen e urës në Mitrovicë.

    Klan Kosova raporton se këngëtarja e cila pritet të performojë atë ditë në të cilën do të bëhet hapja zyrtare e Urës së Ibrit, është Shakira, emër i njohur ky në botën e showbizit dhe më gjerë.

    Nga zyra e Ministrisë së Punëve të Jashtme të udhëhequr nga Pacolli, është thënë se ”ende nuk ka diçka konkrete, veçse ajo është propozuar si ide e mundshme”.

    Lajmin se një këngëtare e famshme do të ftohet të këndojë e dha ditë më parë kryetari i komunës së Mitrovicës së jugut Agim Bahtiri.

    Por ai kishte paralajmëruar se këngëtarja emri i së cilët pritet t’i vendoset urës nuk është amerikane apo angleze siç parlajmëroi Bahtiri.

    Shakira është e lindur në Kolumbi, shtet në bregun veriperëndimor të Amerikës së Jugut.

    Lajmin se ura do të hapet me koncert, e dha sot zëvendëskryeministri Behgjet Pacolli nëpërmjet Facebookut.

    “Po ashtu biseduam edhe për çështjen e hapjes të Urës së Ibrit, revitalizimi i së cilës ka përfunduar tashmë, dhe u dakorduam që hapja të bëhet me një ceremoni të veçantë, ku do të performoj edhe një këngëtare amerikane, emrin e së cilës do të propozojmë që ta mbaj Ura e Ibrit”, ka shkruar Pacolli në Facebook pas takimit me Bahtirin.

    Për koncertin ditë më parë BE e cila ka financuar revitalizimin tha se nuk kishte njohuri.

    Hapja e Urës së Ibrit tash e sa vjet është bërë temë e nxehtë e krejt politike. Kryetarët e dy pjesëve të qytetit, njëri shqiptar e tjetri serb, assesi të pajtohen për lirimin e qarkullimit normal mbi të të njerëzve dhe makinave.

    Serbët lokal kërkojnë nënshkrimin e memorandumit për kufirin administrativ.

    Komuna e Mitrovicës e cila administrativisht është e ndarë në jug dhe në veri nuk e ka të përcaktuar vijën administrative. Kjo sipas serbëve duhet të jetë lumi Ibër ndërkaq pala tjetër kundërshton kategorikisht.

    Me firmosjen e ujdisë, vendbanime si Suhodolli, Gushanci e Binarci të barnuar më shumicë shqiptare do të shkonin nën administrimin e komunës në veri. Kjo e fundit është produkt e pakos së Marti Ahtisarit mbi të cilën Kosova shpalli pavarësinë.

    Share. Facebook Twitter Pinterest LinkedIn Tumblr Email
    Të fundit
    • Kurti pas takimit me Lajçakun dhe Escobarin: Rruga përpara, ndalimi i menjëhershëm i sulmeve nga grupet kriminale
    • Nasuf Bejta merr pjesë në Kongresin e 19-të të Akademisë së Shkencave të Ballkanit për pasurimin e mineraleve
    • Lajçak: Legaliteti s’do të thotë përfaqësim dhe ky është problemi që po e kemi për momentin
    • Haradinaj: Sonte me u shkarku Kurti, shpëton Kosova
    • Escobari dhe Lajçaku me tri kërkesa për Kurtin
    Të gjitha të drejtat e rezervuara VushtrriaOnline 2023!
    • Rreth Nesh
    • Kontakti
    • Privacy Policy

    Shkruaj me larte dhe shty Enter për të kërkuar. Shtyp Esc për anulim.