Facebook Twitter Instagram
    Facebook Instagram YouTube TikTok
    VushtrriaOnline – Lajmet e fundit nga Vushtrria, dhe per VushtrrineVushtrriaOnline – Lajmet e fundit nga Vushtrria, dhe per Vushtrrine
    • Ballina
    • Lokale
    • Lajme 02
    • Ekonomi
    • Kulturë
    • Sport
    • Patundshmëri
    VushtrriaOnline – Lajmet e fundit nga Vushtrria, dhe per VushtrrineVushtrriaOnline – Lajmet e fundit nga Vushtrria, dhe per Vushtrrine

    Institucionet përballë ultimatumit të veteranëve të UÇK-së, kërkohet plotësimi i kërkesave

    02/10/2018 | 15:28
    Share
    Facebook Twitter LinkedIn Pinterest Email

    Institucionet e Drejtësisë dhe ato qeveritare po përballen me ultimatumin e dhënë nga veteranët e UÇK-së për listat e prokurorisë. Të njëjtit po kërkojnë të dijnë se pse veteranë të vërtetë janë futur në listat e mashtruesve.

    Më 3 shtator të këtij viti, veteranët e Brigadës 113 në krye me Faik Zogajn protestuan para Kuvendit të Kosovës. Kërkesat e tyre lidheshin me zbardhjen e listave të prokurorisë si dhe lirimin e Sylejman Selimit.

    Ata i kishin dhënë një muaj afat institucioneve për të vepruar, shkruan lajmi.net.

    E vetë Zogaj, në një prononcim të dhënë gjatë ditës së sotme për lajmi.net ka thënë se shumica e kërkesave të tyre janë realizuar.

    Madje siç thotë ai, edhe lirimi i ish-Komandantit të Përgjithshëm të UÇK-së, Sylejman Selimi, pritet të ndodhë në muajin nëntor.

    “Kërkesa e parë është realizuar nga Kuvendi për listat e veteranëve të cilët janë futur në listat e veteranëve të rrejshë. Ndërkaq sa i përket Sylejman Selimit ai pritet që të lirohet në muajin nëntor. Na i kanë ofruar mundësitë që ne mos të kemi nevojë të protestojmë më “, ka thënë Zogaj.

    Për kërkesa thuajse të njëjta protestuan rreth një javë më parë edhe veteranët e Dukagjinit.

    Ata madje i dhanë ultimatum institucioneve për të vepruar deri më 8 tetor, shkruan lajmi.net.

    Kryetari i OVL UÇK-së nga zona e Dukagjinit, Abdyl Mushkolaj, tha sot për lajmi.net se nga të gjitha kërkesat e tyre, është realizuar vetëm njëra.

    Ai shtoi se nëse askush nuk merret me kërkesat e tjera, do të diskutohet edhe për veprimet e ardshme të veteranëve.

    “Një pikë është realizuar, kemi kërkuar që ta dijmë se kush i ka nxjerrë emrat e veteranëve, po presim, kemi edhe shtatë ditë. Kemi edhe kërkesa tjera dhe shpresojmë që brenda javës do të merret një vendim. Nëse nuk merret, do të ulemi me shoqatat e dala nga lufta nga Dukagjini dhe do të shohim”, ka thënë ai.

    Kujtojmë se Lajmi.net ka publikuar listat e të gjitha zonave të veteranëve të UÇK-së që prokuroria ka cilësuar se kanë përfituar jashtëligjshëm./Lajmi.net/

    Share. Facebook Twitter Pinterest LinkedIn Tumblr Email
    Të fundit
    • Parashikimi i motit për nesër
    • Lëshohet lokali me qera në kompleksin “Qarshia” në Vushtrri
    • Spahiu thotë se flamuri i Shqipërisë duhet të largohet nga komunat në jug, që të qëndrojë ai i Kosovës në veri
    • Chollet kërkon nga Vuçiqi t’i “qetësojë” serbët e Kosovës
    • Haxhiu: Tërheqja e Kurtit dhe Osmanit pas trazirave në veri është autonomi për serbët!
    Të gjitha të drejtat e rezervuara VushtrriaOnline 2023!
    • Rreth Nesh
    • Kontakti
    • Privacy Policy

    Shkruaj me larte dhe shty Enter për të kërkuar. Shtyp Esc për anulim.