Zëvendëskryeministri i Kosovës, Enver Hoxhaj, ka thënë se Kosova duhet ta shfrytëzoj kushtëzimin e BE-së që i ka bërë Serbisë për njohjen e Kosovës.
“BE e ka kushtëzuar Serbinë për normalizimin e raporteve me Kosovën. BE-ja ia ka bërë të ditur Serbisë që rruga e saj për në Evropë kalon nëpër Prishtinë. Duhet të shfrytëzohet kjo situatë”, ka thënë Hoxhaj për RTK, duke shtuar se me Serbinë duhet të arrihet marrëveshje.
Nënkryetari i PDK-së ka thënë se spektri politik i Kosovës duhet të jetë unik sa i përket dialogut me Serbinë.
“Disa prej kolegëve tanë po merren me romantizëm ditor”, ka thënë ai.