Butrint Imeri është një ndër këngëtarët më të pëlqyer të skenës muzikore duke qenë i suksesshëm me disa hite të njëpasnjëshme.
Interpretuesi i këngëve Alea, Bella, Ma cherie, duket se pëlqen edhe një pije të ngrohtë dhe mjaft të popullarizuar ndër ne, e kjo mban emrin e “Çaji të Rusit, i cili njihet për konsumin e tij në Vushtrri, dhe pjesën më të madhe të rrafshit të Kosovës.
Në një video që po qarkullon në rrjetet sociale shihet Butrint Imeri teksa përgjigjet në pyetjen se sa çaja në ditë i pinë. Kjo përgjigje duket se ngjason me atë të një “çajpirësi” vushtrrias i cili në një intervistë pati thënë se i pinë 70 të tillë.
Shtatëdhjetë thotë se i pi edhe Butrinti, i cili me këtë përgjigje mund të na duket si një Vushtrrias, por në fakt ai është nga Mitrovica, jo edhe aq larg, apo jo.