Banorë të fshtarave të Artakollit kanë protestuar sot nga ora 10.00 duke mbyllur përkohsisht edhe qarkullimin e automjeteve në Magjistralen Prishtinë- Mitrovicë.
Arsyeja e kësaj proteste të thirrur nga Këshilli i 18 Fshatrave të Artakollit ishte rruga e paasfaltuar R220 Bukosh-Prilluzhe, e cila pas punimeve të para ka mbetur e paasfaltuar duke bërë kështu që qytetarë që qarkullojnë në këtë rrugë të kenë probleme si në qarkullim me automjete e poashtu edhe probleme të tjera siç është pluhuri e i cili sipas protestuesve po paraqet rrezik për ta si banorë.
Në emër të protestuesve u kërkua që brenda vitit 2018 të sigurohen mjetet financiare për riasfaltimin e kësaj rruge e cila sipas tyre ka nevojë urgjente që të riasfaltohet.
Tutje u kërkua që kërkesa e tyre për ndarjen e mjeteve financiare në vlerë prej 500 mijë eurove të merret brenda javës së ardhshme, përndryshe nëse nuk plotësohet kjo kërkesë ata thanë se do të protestojnë edhe para qeverisë./VushtrriaOnline