Raportit vjetor i punës së Agjencisë Kosovare të Privatizimit për vitin 2017 po diskutohet nga deputetët e Kuvendit të Kosovës.
Deputeti i PSD-së, Dardan Sejdiu, ka deklaruar se është i lumtur që në Kuvend mes deputetëve të pozitës dhe opozitës ka qëllim të përbashkët lidhur me AKP-në.
“Shitja e aseteve të Kosovës nuk na ka sjellë investitorë të huaj. Më gëzon fakti që jemi në një pikë që pajtohemi të gjithë, pajtohemi që raporti është korrekt. Më pëlqeu ideja që mund të nisim ta mbyllim AKP-në, ose ta ndryshojmë ligjin. Hajdeni e mbyllim këtë monstrum ekonomik”, tha Sejdiu.
Ndërsa, edhe deputeti i Nismës Social Demokrate, Milaim Zeka, u shpreh se Agjencia Kosovare e Privatizimit duhet të mbyllet.
“Me pasë fuqi magjike këtë agjencion e kisha shkri krejt. As nuk e përkrahi dhe as nuk e votoj këtë raport të këtij agjencioni. Shumë vrasje janë bërë në Kosovë për shkak të këtij agjencioni”, tha Zeka.