Kryetari i Asociacionit Evropian për Demokraci Lokale (The European Association for Local Democracy ALDA) , Oriano Otočan, i ka dërguar një letër Kryetarit Xhafer Tahiri me të cilën e ka njoftuar që Komuna e Vushtrrisë është pranuar si anëtare e Asociacionit Evropian për Demokraci Lokale, ALDA.
ALDA është një aktor kyç në fushën e demokracisë lokale, qytetarisë aktive dhe bashkëpunimit ndërmjet autoriteteve lokale dhe shoqërisë civile.
ALDA është themeluar në vitin 1999 me iniciativën e Këshillit të Evropës për të koordinuar dhe mbështetur rrjetin e Agjencive për Demokraci Lokale, të cilat janë të vetë-qëndrueshme, OJQ të regjistruara në nivel lokal që veprojnë si nxitës të qeverisjes së mirë dhe vetëqeverisjes lokale.
ALDA – Shoqata Evropiane për Demokraci Lokale, është e përkushtuar në promovimin e qeverisjes së mirë dhe pjesëmarrjes së qytetarëve në nivel lokal. ALDA fokusohet në aktivitetet që lehtësojnë bashkëpunimin ndërmjet autoriteteve lokale dhe shoqërisë civile.