Në debatin e organizuar nga KDI-ja, Presidenti Thaçi para të pranishmëve dhe mediave deklaroi se takimet me përfaqësuesin e Serbisë nuk janë aspak të lehta. “Unë nuk e pëlqej fare Vuçiqin, por është i zgjedhuri i popullit serb.
As ai nuk e besoj fort se ka ndonjë pëlqim për Presidentin e Kosovës, mirëpo jemi te zgjedhurit e dy vendeve dhe duhet të ulemi të bisedojmë për arritjen e marrëveshjeve për të dyja vendet”.
Thaçi sqaroi edhe rreth marrëveshjes që synohet të arrihet me shtetin fqinj:
“Marrëveshja do ta ketë shpirtin euroatlantik. Synojmë një marrëveshje të vullnetit të lirë, paqësore, që do të jetë mirë edhe për Kosovën edhe për Serbinë, çka ka të keqe këtu”.“Do të jenë 400 kilometra të kufirit që do të demarkohen në mes te Kosovës dhe Serbisë. Korrigjimi i kufijve e shpëton Kosovën nga ndarja, shkëmbimi, themelimi i Republika Srpska”, ka përfunduar Thaçi./Veriu.info