MIlot Rashica, i icli në ndeshjen me Ishujt Faroe ishte startues për Kosovën pas ndeshjes deklaroi se kjo ka qenë shfaqje e mirë e kombëtares sonë:“Kemi zhvilluar ndeshje shumë më të mirë se me Azerbajxhanin, e kemi mbajtur topin shumë më shumë dhe ka qenë ndjesi e veçantë që për herë të parë të luajmë në shtëpi.
Ka qenë shtytje e madhe, përkrahja e tifozëve dhe kur ke përkrahje nuk ke se si të mos e japësh maksimumin”, pohoi Rashica, transmeton Insporti.
Ylli i Bundesligës, i pyetur për përshëndetjen që ia bëri publiku me ngritje në këmbë, deklaroi se
“Është një ndjenjë e veçantë. Në vijmë me dëshirë të madhe për të dhënë maksimumin për vendin tonë, e japim maksimumin në secilën stërvitje dhe në secilën ndeshje dhe mezi presim që të reagon publiku pozitivisht në veprimet tona”.
I pyetur se ka luajtur më i tërhequr dhe më larg portës në këtë ndeshje, sesa në ndeshjet e kaluara, Rashica u përgjigj se kjo ka qenë udhëzim i trajnerit.
“Ka qenë udhëzim i trajnerit që të tërhiqemi pak dhe nëse kemi mundësi të lirojmë hapësirë që edhe mbrojtësit e krahut të depërtojnë kur kanë mundësi. Kjo ka funksionuar sonte, të shohim këtu e tutje”, deklaroi lojtari i Werderit, transmeton Insporti.