Werder Bremen ka arritur që ta mposhtë 2 me 1 si mysafir skuadrën e Eintracht Frankfurtit, me një gol të shënuar në sekondat e fundit nga superylli kosovar Milot Rashica, shkruan Periskopi.
Rashica e nisi ndeshjen nga banka rezervë, edhe pse në javën e kaluar poashtu në fund i dhuroi skuadrës së tij një pikë përmes një asistimi. Yuya Osako e kaloi skuadrën e tij në epërsi, për të barazuar më pas për vendësit Haller nga penalltia.
Por, Rashica u inkuadrua në lojë në minutën e 84 dhe e realizoi një gol spektakular nga gjuajtja e dënimit. Ky gol i mundëson atij që të ketë edhe më shumë hapësira në elitën e futbollit gjerman. /Periskopi