Milot Rashica ka qenë hero i skuadrës së tij Werder Bremen në fundjavë.
Ekipi bardh e gjelbër ka marrë një fitore të vlefshme 1-2 në udhëtim tek Eintracht Frankfurt.
E kësaj fitore ju ka gëzuar edhe një tifoz gjerman që ka luajtur një tiketë në bastore.
Bastorja e madhe ‘Tipico’, ka publikuar tiketën e tifozit fatlum që ka fituar hiq më pak se 250 mijë euro ditën e shtunë.
Tifozi në fjalë kishte luajtur pesë ndeshje në futbollin gjerman dhe kishte arritur t’i qëllonte katër nga to para minutës së 90-të.
Por ndeshja e fundit që ishte duke e pritur për ta fituar shumën prej 250 mijë euro ishte Eintracht Frankfurt – Werder Bremen.
Ishte talenti i madh nga Kosova, Milot Rashica që me një gol të jashtëzakonshëm në minutën e 96-të i siguroi fitoren skuadrës së tij.
Ky gol përpos që gëzoi tifozët e Werderit gëzoi edhe tifozin gjerman që e pasuroi atë me 250 mijë euro.
Lajmi për këtë tiketë fituese ka bërë jehonë të madhe në shtetin gjerman.
Sigurisht fituesi i kësaj tikete nuk do ta harrojë asnjëherë djaloshin e artë nga Kosova për dhuratën që i dha në minutën e 96-të. /Telegrafi/