Presidenti i Kosovës, Hashim Thaçi, gjatë debatit me përfaqësues të shoqërisë civile, tha se kushti thelbësor për Bashkimin Europian është ndërtimi i marrëdhënieve fqinjësore. Thaçi tha se është koha për një marrëveshje përfundimtare me Serbinë.‘Kushti thelbësor për BE është ndërtimi i marrëdhënieve fqinjësore apo modernizimi dhe reformimi i BE, pastaj zgjerimi më i madh i vendit që do të integrohet pa bartur probleme. Ne kemi marrëdhënie të mira me Malin e Zi, Shqipërinë dhe Maqedoninë’.
‘Na mbetet të ndërtojmë marrëdhënie të mira me Serbinë, prandaj jemi angazhuar për dialogun që sa vite. Është koha për marrëveshjen e madhe përfundimtare në mes të dy shteteve. Është e rëndësishme që ta arrijmë këtë marrëveshje, sepse nëse nuk e shfrytëzojmë kohën para zgjedhjeve të BE-së për ta zgjidhur këtë çështje, rrezikojmë shumë, mbase nuk e kemi vëmendjen e Be-së më pas’.
‘Pa shtetet e BE-së, me një Serbi që ende nuk e ka njohur shtetin e Kosovës, do të mbesim prapa në rrugën drejt BE-se dhe NATO-s. Kërkojmë që të dinamizohet i tërë procesi dhe të mbyllet dialogu mes Kosovës dhe Serbisë’./veriu.info