Drejtoria për Kulturë, Rini dhe Sport e Komunës së Vushtrrisë, në bashkëpunim me OJQ “ACCESS”, në vazhdën e manifestimit “Ditët e Rinisë” organizuan një aktivitet ndryshe nga aktivitetet të cilat tashmë për rininë gjithnjë e më shumë po nxisin kureshtje për pjesëmarrje.
Përmes aktivitetit të emërtuar “Këndi i leximit” synohet të përcillen këto porosi:
– Ndërgjegjësimi i të rinjve për të lexuar libra,
– Shmangia e përdorimit të tepërt të rrjeteve sociale,
– Shmangia e përdorimit të gjuhës së urrejtjes nga të rinjtë në rrjete sociale dhe jo vetëm, duke përjashtuar tē gjitha format e përhapjes së diskriminimit në shoqërinë tonë.
Në këtë aktivitet morën pjesë nxënës nga shkolla “Ali Kelmendi”, klasa e bashkëngjitur. /InfoKomuna/