Ish-deputeti i Kuvendit të Kosovës nga radhët e Vetëvendosjes, Driton Tali në mënyrë ironike është deklaruar lidhur me pjesëmarrjen e qytetarëve në protestën e sotme të organizuar nga VV-ja kundër idesë së Presidentit të shtetit Hashim Thaçi, për korrigjim të kufijve mes Kosovës dhe Serbisë.Tali, ka thënë kanë qenë më pak së dy mijë qytetarë në këtë protestë.“Sot në protestë ishin jo më shumë se 2000 veta”, ka shkruar ai, sipër një fotografie të publikuar në profilin e tij në rrjetin shoqëror “Facebook”.
Qëllimi i protestës sipas organizatorëve është shfaqja e kundërshtimit ndaj idesë së presidentit të Kosovës, Hashim Thaçi për korrigjimin e kufijve me Serbinë.Për ditë me radhë, LVV ka publikuar video promocionale dhe ka bërë tubime ku ftoi qytetarët dhe aktivistët në protestë kundër idesë së presidentit Hashim Thaçi për korrigjim të kufijve që sipas tyre nënkupton edhe shkëmbim territoresh.
Autobusë falas për aktivistë dhe qytetarët që dëshirojnë t’i bashkohen protestës janë organizuar nga LVV me nisje nga secila komunë e Kosovës.“Të shtunën, me 29 shtator, prej orës 14:00, së bashku do të protestojmë paqësisht e qytetarisht në Prishtinë kundër pazareve me Serbinë, për sovranitetin e vendit”, thuhej në njoftimin e Lëvizjes Vetëvendosje.