Një video që po qarkullon në internet po tingëllon si seksiste dhe si një fjalim që nxitë urrejtje.
Faqja “Shqiptarët laikë” e ka shpërndarë një pjesë të fjalimit të personazhit Elvis Naçi, një nga hoxhallarët më aktivë dhe më të përfolur në Shqipëri.
Në një predikim ai shpërtheu me objektifikime seksuale dhe me retorikë seksiste të shfrenuar ndaj grave.
Ai në këtë video me tërë mlleh i paraqet gratë (“femrat”) si nxitëse të imoralitetit, kriminalitetit, shkatërrimit të familjes, shkatërrimit të vetëvetes si dhe të burimit të sëmundjeve.
Komentuesit në faqe kanë qenë të shpejtë duke e kritikuar e madje edhe duke e përkrahur këtë diskurs të Naçit, një emër i njohur në predikimin e tij fetar dhe fjalimet e tij të shumta të cilat i shpërndanë edhe në faqen e tij në Facebook. / KultPlus.com