Me iniciativën e kryeministrit të Republikës së Kosovës, Ramush Haradinaj, sot është mbajtur aksioni që ka për qëllim pastrimin e hapësirave në mbarë vendin.
Aksione të tilla janë zhvilluar edhe në qytetin e Vushtrrisë, ku zyrtarë komunal dhe OJQ të ndryshme janë bashkangjitur në këtë aktivitet.
Dallim bëjnë nxënësit e Shkollës së Gjuhës “Cambridge School” të cilët janë bashkangjitur vullnetarisht në këtë aksion për pastrimin e qytetit të Vushtrrisë.
Ata kanë pastruar hapësirat e parkut të qytetit në Vushtrri dhe hapësira të tjera rreth tij duke kontribuar kështu edhe ata në këtë ditë që mban emrin e aksionit “Ta Pastrojmë Kosovën”.