Një ngjarje e rëndë ka ndodhur sot në ndërtesën e AKI-së ku, Valon Iberdemaj dyshohet të ketë vrarë me armë zjarri punëtorin e bufes, Isa.S.
Sipas asaj që merr vesh Gazeta Online Insajderi, Isa.S pasi kishte kryer vrasjen ai kishte marrë peng një punëtore të AKI-së, duke provuar që së bashku me të, të del nga objekti.
Isa.S është ndalur vetëm nga sigurimi i armatosur, të cilët me armë të gjata kanë bllokuar daljen e të dyshuarit për vrasje. Më pas sipas asaj që merr veshë Insajderi, i dyshuari ka liruar pengun dhe është dorëzuar. Policia e Kosovës nuk ka dalë ende me raport zyrtarë për këtë rast.
Agjencia e Kosovës për Inteligjencë pak më herët ka dalur me një deklarim publik në lidhje me vrasjen e ndodhur sot brenda objektit të kësaj agjencie.
Sipas AKI-së vrasja e ndodhur nuk ka të bëjë me çështje të cilat ndërlidhen me veprimtaritë e Agjencionit,
”Sot, më 04.09.2018, rreth orës 09:10, në objektin e Agjencisë së Kosovës për Inteligjencë ka ndodhur gjuajtje me armë zjarri, me ç’rast një zyrtar i sigurimit të brendshëm ka shtënë mbi një punonjës të bufesë. Viktima ka ndërruar jetë në QKUK! Rasti nuk ka të bëjë me çështje që ndërlidhen me veprimtarinë e AKI-së. Me hetimin e këtij rasti po merret prokurori kompetent”, thuhet në njoftim./Insjaderi