Kafeja nuk është thjesht vetëm një pije e ngrohtë e cila na përcjellë në përditshmërinë tonë dhe në shumë momente të tjera.
Nga një kafe e tillë në një filxhan mund të bëhet edhe art, madje ky lloj arti tashmë ky hyrë në trend dhe po aplikohet në përmasa botërore.
Një art të tillë dhe unik e bën edhe Afrim Pantina, vushtrriasi i cili për 13 vite punon si shankist por që ka talent të jashtzakonshëm të bëj art përmes kafesë.
26 vjeçari nga Vushtrria gjysmën e jetës së tij ia ka dedikuar përgatitjes së kafesë, profesion të cilin e ushtron që nga mosha 13 vjeçare.
Punimet e tij në forma arti që i sjellë përmes kafesë, madje po komentohet dhe vlerësohen nga barist të njohur ndërkombëtar, siç është edhe Dritan Sela.
Madje ky i fundit që shquhet si barist i afirmuar në nivel ndërkombëtar i ka dhënë edhe një vlerësim baristit Afrim Pantina në llogarinë e tij në instagram.
“Bravo Shqipe”, është komenti i Dritan Selës, një shankist apo siç njihet ndryshe me termin e ri hotelier, barist.
Mjeshtëria dhe arti me të cilën punon Afrimi mund të vërehet fare lehtë edhe në llogarinë e tij të instagramit ku kohë pas kohe poston video me punime të ndryshme./VushtrriaOnline