30 mijë euro është shuma e paraparë për servizimin dhe mirëmbajtjen e aparaturës, në Spitalin e qytetit të Vushtrrisë. E këtë, e sheh si problem drejtori i këtij spitali, Dr. Hajrullah Saraqi, pasi që aparatura ka vlerën prej 2.4 milione euro.
Spitali i Vushtrrisë është mjaft I frekuentuar, por reparti me më së shumti raste, është Kirurgjia. Këtë e ka bërë të ditur drejtori i këtij spitali, Dr. Hajrullah Saraqi.
“Në përgjithësi kemi shumë pacientë, kirurgjia kryen 1500 operacione në vit, ndërsa në repartin e gjinekologjisë, kryhen 700-800 lindje, 300 prej tyre janë cezariane”, ka deklaruar Saraqi. Ai, poashtu ka sqaruar se ka mungesë të infermierëve, ndonëse spitali ka 152 punëtor, shkruan Gazeta Shneta.
“Kemi nevojë për infermierë, sidomos në disa reparte, ku infermierët kanë shumë rëndësi”, është shprehur Saraqi. Ai, pohon se infermierët punojnë më shumë në emergjencë, që kur ka filluar punën emergjenca. Poashtu, Saraqi pranon se spitali i Vushtrrisë është mjaft mirë i furnizuar me barna, edhe përfitues nga disa donacione ndër vite.
“Listën e barnave e dërgojmë në Janar, prandaj kemi mjaftueshëm secilin vit, pastaj nga donacioni “khalifa”, kemi përfituar aparatur me vlerë 2.4 milion euro, por problemi është mirëmbajtja dhe servizimi, për qka ne kemi vetëm 30 mijë euro”, ka deklaruar ai. Saraqi, bënë të ditur se në vitin 2015, kanë pasur 90 mijë euro, ndërkohë që aparatura ka arritur, janë hequr 60 mijë euro.
“Për tri vite, kemi mbetur me 30 mijë, që nuk mjafton për gjithë apraturën që posedojmë”, ka shtuar ai. Sëmundjet më të shpeshta, me të cilat paraqitën pacientët janë: sëmundjet Kardiovaskulare, tensioni i gjakut, gripet sezonale, etj.
Kujtojmë se Spitali i Vushtrrisë, muajin e kaluar ka hapur edhe repart të ri, falë donacionit nga organizata “Gjysmëhëna e Kuqe”./Gazeta Shneta/