Vazhdës së personaliteteve që u dekoruan nga presidenti i vendit, Hashim Thaçi, iu shtua edhe këngëtarja e njohur e muzikës popullore, Shyhrete Behluli.
“Janë bërë më shumë se katër dekada që pareshtur, me tërë forcat e saj, ajo iu përkushtua zhvillimit dhe promovimit të këngës popullore shqipe”, thuhet në postimin e Thaçit në Facebook.
Më poshtë postimi i plotë i Hashim Thaçit:
Këngëtares së njohur, Shyhrete Behluli, sot i ndava Medaljen Presidenciale të Meritave. Janë bërë më shumë se katër dekada që pareshtur, me tërë forcat e saj, ajo iu përkushtua zhvillimit dhe promovimit të këngës popullore shqipe.
Me këngët e saj për atdheun, flamurin, heroizmin, Kosovën dhe Shqipërinë, janë rritur dhe frymëzuar gjenerata të tëra./Arbresh.info/.