Policia e Kosovës për rajonin e Prizrenit ka njoftuar se rreth orës 16:45 minuta në rrugën e “Pushkatarëve” në Prizren ka ndodhur një incident, me ç’rast janë përdorur armë zjarri.
Rastin e ka treguar për “Indeksonline”, Zëdhënësi i PK-së për këtë rajon, Hazir Berisha.
“Sipas hetime fillestare thuhet se sherri ka plasur në një parking te automjeteve.
Tre persona kanë marrë plagë, një nga ta të rënda dhe pas ndihmës së parë është transferuar në QKUK. Policia tanimë i ka arrestuar dy të dyshuar”, ka thënë Berisha.
Më tutje, ai ka shtuar se Njësitet relevante të policisë po merren me hetimin e rastit. Për informata shtesë do të njoftoheni me kohë./Veriu.info