Policia e Kosovës përmes një komunikae për media kanë reaguar për siç thonë deklarimeve dhe publikimeve, për gjoja përfshirjen e Policisë së Kosovës në skenare të ndryshme.
Në këtë komunikatë policia i njoftojnë qytetarët e vendit dhe mediat se deklarimet dhe publikimet e tilla nga kushdo qofshin ato janë të pa bazuara dhe të dëmshme për vendin pasi që ndikojnë në rritjen e tensioneve dhe krijojnë pasiguri ndër qytetarët e Republikës së Kosovës.
“Ju konfirmojmë se detyrat e autorizimet e përgjithshme të Policisë së Kosovës janë të përcaktuara me ligjin për policinë, të orientuara në mbrojtjen e jetës, pronës dhe ofrimit të sigurisë, mbrojtjen e drejtave dhe lirive themelore të të gjithë personave, garantimin e lëvizjes dhe shprehjes së lirë për të gjithë qytetarët e vendit pa dallim, menaxhoj dhe kontrolloj kufirin shtetëror, ofroj ndihmë gjatë fatkeqësive natyrore dhe në raste tjera emergjente”, thuhet në njoftimin e Policisë.
Policia ikërkon nga qytetarët të mos bien pre e dezinformatave dhe spekulimeve të ndryshme, “por të shfaqin besim si deri më tani në punën e Policisë së Kosovës dhe përkushtimin e saj kushtetues dhe ligjor për rend, qetësi dhe siguri të përgjithshme në vend”.
Dje gjatë ditës u raportua për një urdhër të Policisë për ndërprerjen e shkuarjes në pushime të pjesëtarëve të uniformuar.
“Për shkak të angazhimeve operacionale ndërpritet miratimi i pushimeve për stafin e uniformuar deri në një vendim tjetër”, thuhet në urdhërin policor./Insjaderi/.