Asambleistja e Vushtrrisë nga radhët e Vteëvendosjes Fjolla Ujkani, në bashkëpunim me disa vullnetare të tjera dhe me përkrahjen e kryetarit Xhafer Tahiri, nënkryetarit Besim Muzaqi dhe kryetarit të kuvendit komunal Nasuf Aliu organizuan protestë kundër dhunës ndaj grave sot nga oborri i objektit të komunës deri tek sheshi “Adem Jashari” përkatësisht afër parkut të qytetit.
Organizatorja e kësaj proteste Fjolla Ujakni, u shpreh se të drejtat e grave nuk janë qejfe të cilat u ipen sipas dëshirës së individëve të caktuar sepse të drejtat e grave lindin dhe jetojnë me to. Ndërësa kryetari Xhafer Tahiri tha se gratë përbëjnë 50% të popullësis sonë dhe nuk ka se si të jemi të pavëmendshëm ndaj rasteve të dhunës të cilat janë edhe si rezultat i moskujdesit të organeve përgjegjëse.
Nënkryetari Muzaqi u shpreh se barazia gjinore nuk duhet të mbetet e shkruar vetëm në letër por të respektohet në maksimum, ndërësa kryetari i Kuvendit Komunal Nasuf Aliu bëri thirrje për mbledhjen e institucioneve përgjegjëse, në mënyrë që raste të tilla të parandalohen para se të ndodhin./VushtrriaOnline/.